အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)တွင် မီးဘေးလုံခြုံရေးအတွက် မီးသတ်ဦးစီး ဌာနမှ ရှင်းလင်းတင်ပြခြင်းနှင့် လက်တွေ့သရုပ်ပြသခြင်း အခမ်းအနားကို ၃၀-၃-၂၀၂၆ ရက်နေ့၊ နံနက် (၁၀:၀၀)နာရီတွင် စွယ်တော်ဆောင် အစည်းအဝေးခန်းမ၌ ကျင်းပပြုလုပ်ခဲ့ရာ ပါမောက္ခချုပ်၊ ဒုတိယပါမောက္ခချုပ်(စီမံ)၊ ဒုတိယပါမောက္ခချုပ်(သင်ကြား)နှင့် သင်ကြားရေးဌာနမှ ပါမောက္ခ/ ဌာနမှူးများ၊ ဒုတိယဌာနမှူး(စီမံ/ဘဏ္ဍာ)၊ ဒုတိယညွှန်ကြားရေးမှူး(အင်ဂျင်နီယာ)၊ အရာထမ်း၊ အမှုထမ်းများ၊ ဆရာ၊ ဆရာမများ၊ အဆောင်မှူးများ၊ အဆောင် တာဝန်ခံများ စုစုပေါင်း(၄၀)ဦး တက်ရောက်ခဲ့ကြပါသည်။
အခမ်းအနားတွင် မီးသတ်ဦးစီးဌာနမှ ဦးစီးအရာရှိ၊ ဦးစိုးနိုင်က မီးလောင်ကျွမ်းမှုနှင့်ပတ်သက်၍ မိမိပေါ့ဆမှုတစ်ခုကြောင့် မီးလောင်မှုဖြစ်ပွားတတ်ခြင်း၊ မီးပွားကျခြင်းမှ လောင်ကျွမ်းတတ်ခြင်း၊ ဓာတ်ဆီ ဖြည့်တင်းနေရာမှ လောင်ကျွမ်းတတ်ခြင်း၊ လျှပ်စစ်မီးကြိုးများမှ အပူလွန်ကဲ၍ လောင်ကျွမ်းတတ်ခြင်း စသည့် မီးလောင်မှုဖြစ်စေနိုင်သည့် အချက်အလက်များနှင့် မီးငြိမ်းသတ်နိုင်မှု အချက်အလက်များကို PowerPoint ဖြင့် အသေးစိတ်ရှင်းလင်းတင်ပြခဲ့ပြီး အထူးသတိပြုမိစေရန်နှင့် မီးလောင်မှုဖြစ်ပွားရာတွင် လိုက်နာဆောင်ရွက် ရမည့် အချက်အလက်များနှင့် 191 Application အသုံးပြုပုံကိုလည်း ရှင်းလင်း ပြောကြားခဲ့ပါသည်။
ဆက်လက်၍ မီးသတ်ဦးစီးဌာနမှ ဦးစီးအရာရှိ ဦးစိုးနိုင်က စွယ်တော်ဆောင်ရှေ့ ကွန်ကရစ်လမ်းမပေါ် တွင် မီးသတ်ဆေးဗူးများ အသုံးပြုပုံနှင့် မီးလောင်ကျွမ်းနေသည့်အခါ မီးတောက်အား မီးငြိမ်းသတ်ခြင်းကို လက်တွေ့သင်ကြားသရုပ်ပြသခဲ့ပါသည်။ ထို့နောက် တက္ကသိုလ်ရှိ အဆောင်မှူးများ၊ အဆောင်တာဝန်ခံများ၊ ဝန်ထမ်းအိမ်ရာ အသီးသီးတွင် နေထိုင်သော ဝန်ထမ်းများက တစ်ဦးချင်းအလိုက် လက်တွေ့ မီးငြိမ်းသတ်ခြင်း များကို ဆောင်ရွက်ခဲ့ကြပြီး အခမ်းအနားကို (၁၂:၃၀)နာရီတွင် ရုပ်သိမ်းခဲ့ပါသည်။
